ਮੇਰਾ ਮਨ ਤਰਸੇ ਤੇਰੀ ਬਾਣੀ ਨੂੰ, ਜਿਵੇਂ ਜੰਗਲ ਚ ਹਿਰਨੀ ਪਾਣੀ ਨੂੰ।(2)
ਮੈ ਦੌਲਤ ਤੈਥੋਂ ਨਹੀਂ ਮੰਗਦਾ (2), ਕੀ ਕਰਨਾ ਨਾਸ਼ ਹੋ ਜਾਣੀ ਨੂੰ ।
ਮੇਰਾ ਮਨ ਤਰਸੇ ਤੇਰੀ ਬਾਣੀ ਨੂੰ ਜਿਵੇਂ ਜੰਗਲ ਚ ਹਿਰਨੀ ਪਾਣੀ ਨੂੰ
1. ਮੈ ਪਿਆਸਾ ਹਾਂ ਮੇਰੀ ਪਿਆਸ ਬੁਝਾ, ਪ੍ਰਭੂ ਅੰਮ੍ਰਿਤ ਜਲ ਆ ਮੈਨੂੰ ਪਿਲਾ
ਮੈਂ ਭੁੱਖਾ ਹਾਂ ਮੈਨੂੰ ਜੀਵਨ ਦੀ ਰੋਟੀ ਤੂੰ ਆ ਕੇ ਆਪ ਖਿਲਾ
ਦੇ ਬਖ਼ਸ਼ ਤੂੰ ਮੈਨੂੰ ਆਪ ਖ਼ੁਦਾ (2), ਮੈਥੋਂ ਹੋਈ ਨਾ ਫਰਮਾਨੀ ਨੂੰ।
ਮੇਰਾ ਮਨ ਤਰਸੇ ਤੇਰੀ.......
2. ਬਘਿਆੜ ਫਿਰਨ ਮੇਰੇ ਚਾਰੇ ਪਾਸੇ, ਮਾਸੂਮ ਜਿਹੀ ਮੈਂ ਭੇੜ ਤੇਰੀ।
ਤੂੰ ਅੱਛਾ ਅਯਾਲੀ ਬਣ ਮੇਰਾ, ਤੇ ਆਣ ਛਡਾਉਂਦਾ ਜਾਨ ਮੇਰੀ।
ਮੈ ਜਾਣਾ ਪਿਆਰ ਮਹਾਨ ਤੇਰਾ (2), ਕੀ ਪਤਾ ਏ ਦੁਨੀਆ ਫ਼ਾਨੀ ਨੂੰ।
ਮੇਰਾ ਮਨ ਤਰਸੇ ਤੇਰੀ......
3. ਤੂੰ ਸਾਰੀ ਦੁਨੀਆ ਦਾ ਚਾਨਣ ਹੈ, ਚਾਨਣ ਹੋ ਜਾਵਣ ਰਾਹ ਮੇਰੇ।
ਵਾਰਿਸ ਜੇ ਲਭਦਾ ਮੋਤੀਆਂ ਨੂੰ, ਦਯਾ ਸਾਗਰ ਦੇ ਆ ਨੇੜੇ।
ਸੱਚ ਰਾਜੂ ਹਾਲ ਸਣਾਉਂਦਾ ਏ (2), ਥੋੜ ਆਪਣੇ ਦਿਲ ਦੇ ਜਾਨੀ ਨੂੰ।
ਮੇਰਾ ਮਨ ਤਰਸੇ ਤੇਰੀ.......
No comments:
Post a Comment